काठमाडौँ । हत्या गरिएका साउदी पत्रकार जमाल खसोग्गीका सन्तानले बुवाको हत्याको क्षतीपूर्तीस्वरुप साउदीमा लाखौं डलर मूल्यको धन सम्पति लिएका छन् । उनिहरुले क्षतीपूर्ती स्वरुप घर पाउनुका साथै मासिक १० हजारदेखि १५ हजार डलर पाइरहेको खुलासा भएको छ । यो सुविधा अनिश्चित समयका लागि तोकिएको साउदी अधिकारी र परिवारका नजिकका आफन्तले पुष्टि गरेका हुन् ।
खासोग्गीका जेठो छोरा, जसले सरकारसँग समन्वय गर्छन्, लाई साउदीको जेदाहामा ठूलो घर दिइएको छ । उनी एक बैंकर हुन् । उनका भाई अब्दुल्लाह र दुई बहिनीलाई छुट्टै कम्पाउन्ड भएका तीनवटा छुट्टा छुट्टै घर दिइएको छ ।
सीएनएनका अनुसार खासोग्गीका दुई छोरा र दुई छोरीले खासोग्गीका हत्याका कथित आरोपी बाट ‘ब्लड मनी’ नेगोसियसन स्वरुप ७० मिलियन डलर पाउने सम्भावना रहेको बताएको छ ।
गत अक्टोबर २ तारिखमा इस्तानबुलस्थित साउदी दूतावासमा खासोग्गीको हत्या भएको थियो । उनको हत्यामा संलग्न ११ जनाको मृत्युदण्डको माग गरिएको छ ।
यदि उनीहरुले मृत्युदण्ड पाएको खण्डमा साउदीको न्याय प्रणालीले खासोग्गीको परिवारलाई उनको बुवाका हत्यारालाई माफी दिन अनुमती दिन्छ । यसलाई कथित ‘ब्लड मनी’ व्यवस्था भनिन्छ ।
ब्लड मनी सरिया कानून अन्तरगतको कानुनी तन्त्र हो । यसमार्फत् आरोपीले पीडित आफन्तलाई मृत्युदण्डबाट बच्नका लागि पैसा दिने गर्छन् ।