भारतले मुम्बई टेस्ट क्रिकेटमा न्यूजील्यान्डलाई ३७२ रनले पराजित गरेको छ । यो जितसँगै भारतले दुई खेलको शृंखला कब्जा गरेको छ । कानपुरमा भएको पहिलो टेस्ट भने बराबरीमा टुंगिएको थियो ।
भारतले न्यूजील्यान्ड समक्ष ५४० रनको विशाल लक्ष्य प्रस्तुत गरेको थियो । तर न्यूजील्यान्ड १६७ रनमै अलआउट भएको थियो । न्यूजील्यान्डले पहिलो इनिङमा पनि ६२ रन मात्र बनाएर फितलो खेल प्रदर्शन गरेको थियो ।
न्यूजील्यान्डलाई सस्तैमा समेट्ने क्रममा भारतीय स्पिनर रविचन्द्रन अश्विन र जयन्त यादवले ४–४ विकेट लिएका थिए ।
अब भारतले दक्षिण अफ्रिकाको भ्रमण गर्नेछ ।
मुम्बई टेस्टको स्कोरबोर्ड
भारत : ३२५ रन, २७६/७ (पारि समाप्तीको घोषणा)
न्यूजील्यान्ड : ६२ रन, १६७ रन
