काठमाडौं । उत्तर कोरियाले पुनः छोटो दुरीका क्षेप्यास्त्र परीक्षण गरेपछि अमेरिकी राष्ट्रपति डोनल्ड ट्रम्पले किमलाई परीक्षण रोक्न आग्रह गरेका छन् । पेनेन्सुएलाको होडोमा उत्तर कोरियाली नेता किमको उपस्थितिमा भएको परीक्षणपछि राष्ट्रपति ट्रम्पले किमलाई आफ्नो बाचा सम्झन आग्रह गरेका हुन् ।
जापनको नदीलाई लक्षित गरी सैन्य दस्ताको मनोबल बढाउन गरिएको भनिएको परीक्षणप्रति दक्षिण कोरियाले समेत संशयका साथ हेर्दै आएको छ । भियतनाम वार्ता विफल भएपछि ट्रम्पसँग असन्तुष्ट बनेका किम रुस भ्रमण सकाएसँगै क्षेप्यास्त्र परीक्षणमा ब्यस्त छन् ।
ट्रम्पले ट्वीट गर्दै किमलाई आफू उत्तरकोरियाली नागरिकको पक्षमा रहेको उल्लेख गर्दै विश्व अर्थतन्त्रमा ठूलो सहयोग गर्ने उत्तरकोरियाले आफ्नो परीक्षण बन्द गर्नु नै उत्तम हुने समेत सुझाव दिएका छन् ।
साथै किमलाई सिंगापुर वार्तामा गरिएको बचन पूरा गर्न स्मरण गराउँदै दुई देशबीच सम्झौता हुनेमा आफू ढुक्क रहेको समेत उल्लेख गरेका छन् । किमले पुनः परीक्षण सुरु गरेसँगै अमेरिका दबाबमा परेको छ ।
