काठमाडौँ । समाजिक सञ्जालमा मानिसहरु चर्चामा आउन धेरै समय लाग्दैन । इन्टरनेटमा ‘विंक गर्ल’ को नामले चर्चामा आएकी प्रिया वारियरलाई त तपाईले सम्झिरहनु भएको होला । यस्तै एक युवती इण्डियन प्रिमियर लिग आइपीएलका कारण चर्चामा आएकी छिन् ।
आइपीएलमा आरसीबीको पक्षमा हुटिङ गर्न पुगेकी यी युवतीमाथि अहिले भारतीय मिडिया तथा सामाजिक सञ्जालमा चर्चा भइरहेको छ ।
यी ‘मिस्ट्री गर्ल’ जब टिभी स्कृनमा देखिइन् तव धेरै मानिस उनका फ्यान बने । आरसीबीले यो खेलमा सनराइजर्स हैदरबादमाथि जीत दर्ता गर्यो तर कोहली भन्दा धेरै यी युवतीको चर्चा सामाजिक सञ्जालमा भए । भारतीय क्रिकेट समर्थकहरुले यी युवतीलाई ‘नेशनल क्रश’ घोषित गरे ।
भारतीय सञ्चारमाध्यमहरुका अनुसार यी युवतीको नाम दीपिका घोष हो र उनी बलिउडमा स्टाइलिष्ट छिन् । साथै उनी क्रिकेटकी फ्यान हुन् । ह्यासट्याग आरसीबीगर्लले पनि कयौं मिम्स पनि शेयर भएका छन् ।
कयौंले दिपिका खेल मैदानमा उपस्थित भएका कारण कोहलीको टीमले जितेको भन्दै सामाजिक सञ्जालहरुमा चर्चा गरिरहेका छन् र हरेक खेलमा उनलाई बोलाउनुपर्ने कतिपयको तर्क छ । कोहली र उनलाई जोडेर कयौं मिम्सहरुपनि बनेका छन् ।
त्यस्तै यस सिजनको अन्तिम खेलमा रोयल च्यालेन्जर्स बेङ्लोरका कप्तान विराट कोहली मात्र १६ रन बनाएर आउट भए। उनी सनराइजर्स हैदराबादका बलर खलील अहमदको बलमा विकेटकिपर ऋदिमान साहाबाट क्याचआउट भए।
कोहलीलाई आउट गरेपछि त्यसको खुशी खलिलले बडो अनौठो ढंगले मनाए। त्यसपछि आफूलाई आउट गर्ने खलिललाई विराटले पनि त्यतिकै छोडेनन्। उनले म्याच पछि खलिललाई उडाए।
कोहलीले खलिलको शैलीको नक्कल उतार्दै उडाए। यसक्रममा विराट राम्रैसँग हाँसे। उनको यो हर्कतमा बेङ्लोरका अन्य खेलाडीले पनि आफ्नो हाँसो रोक्न सकेनन्। यो देखेपछि खलील लाजले पानीपानी भए। र यसको भिडोयो सामाजिक संजालमा भाइरल भइरहेको छ।
यसैबिच वेस्टइन्डिजका ब्याट्सम्यानहरू जोन क्याम्पबेल र शाही होपले एकदिवसीय अन्तर्राष्ट्रिय क्रिकेटमा साझेदारीको नयाँ रेकर्ड बनाएका छन्।
बंगलादेश, आयरल्याण्ड र वेस्ट इन्डिजबीच जारी त्रिदेशीय श्रृंखलाअन्तर्गत आइतबार भएको आयरल्याण्डविरूद्धको खेलमा यी ब्याट्सम्यानले पहिलो विकेटका लागि ३६५ रनको साझेदारी गरेका हुन्। उक्त साझेदारीका लागि क्याम्पबेलले १३७ बलमा ६ छक्कासहित १७९ र होपले १५२ बलमा १७० रन हाने।
यसअघि सन् २०१७ मा महिला क्रिकेटमा भारतकी पुनम राउत र दिप्ती शर्माले आयरल्याण्डविरूद्ध नै ३२० रनको साझेदारी गरेकी थिइन्। पुरूष क्रिकेटमा पाकिस्तानका इमाम उल हक र फकर जमनले २०१८ मा जिम्बाबेविरूद्ध ३०४ रनको साझेदारी गरेका थिए।
हिजोको खेलमा वेस्ट इन्डिजले ३ विकेट गुमाएर आयरल्याण्डलाई ३८२ रनको लक्ष्य दिएको थियो। ३४।४ ओभरमा आयरल्याण्डका सबै विकेट गुमेपछि वेस्ट इन्डिज १९६ रनले विजयी भयो।
