काठमाडौं । इटलियन कम्पनी सीएमसीले छाडेर गएपछि अलपत्र अवस्थामा रहेको मेलम्ची आयोजनाको काम सम्पन्न गर्न सरकारले सर्वदलीय समिति गठन गर्ने तयारी थालेको छ ।
खानेपानी मन्त्रालयका सचिव दीपेन्द्रनाथ शर्माका अनुसार एक हप्ताभित्रै टुंग्याउने गरि समिति गठन गर्ने बताए । सहायक ठेकेदारलाई भुक्तानी दिनुपर्ने रकम सिधै भुक्तानी दिदा अनियमितता गरेको आरोप लाग्न सक्ने भन्दै सरकारले सर्वदलीय समिति गठन गरेर काम अघि बढाउने तयारी शुरु गरेको उनले बताए ।
प्रतिनिधिसभाको विकास तथा प्रविधि समितिमा सांसदहरुले उठाएको प्रश्नको जवाफ दिदै सचिव शर्माले प्रधानमन्त्री केपी शर्मा ओली स्वदेश फर्किएसँगै यस विषयमा छलफल हुने जानकारी दिए ।
