काठमाडौं । नेपाल कम्युनिस्ट पार्टीका अध्यक्ष तथा पूर्वप्रधानमन्त्री पुष्पकमल दाहाल (प्रचण्ड) ले अहिलेको परिवर्तनमा हजारौँ योद्धाको बलिदान रहेकोले देश समृद्ध नेपाल र सुखी नेपालीको आकाङ्क्षातिर अगाडि बढिरहेको बताएका छन् ।
आइतबार कमलापोखरीस्थित कुमारी चलचित्र भवनमा ‘भैरवनाथ’ वृत्तचित्रको विशेष प्रदर्शनमा पुगेका दाहालले अहिलेसम्मको राजनीतिक परिवर्तनका लागि हजारौँ, लाखौँको त्याग, बलिदान र पीडा रहेको उनले बताए ।
‘भैरवनाथ’ जिउँदो सहिदका रूपमा सम्मानित कृष्ण केसीको कथा हो । वृत्तचित्रमा केसी सशस्त्र जनयुद्धको समयमा तत्कालीन मानव वधशालाको रूपमा परिचित ‘भैरवनाथ गण’बाट पक्राउ परेदेखि हिरो हुँदासम्मको कथा समेटिएको छ ।
श्रीमान् कृष्णको सेनाले गिरफ्ता गरेपछि दुर्गा केसी ले भोगेका मानसिक, शारीरिक, प्रशासनिक र पारिवारिक पीडासमेत वृत्तचित्रले मार्मिक रूपमा उठाएको छ ।
प्रतिष्ठा कुसुक केसी र राजकुमारको अभिनय रहेको वृत्तचित्रमा दुर्गा केसीको कथा तथा निर्माणमा तयार भएको हो । पर्वतकिरण केसी कार्यकारी निर्माता रहेको वृत्तचित्रलाई सम्पादन तथा निर्देशन शिव पुरीले गरेका हुन् । अष्टमान महर्जनको द्वन्द्व रहेको वृत्तचित्रमा एलिस कार्कीको पाश्र्व सङ्गीत दिएका छन् ।