गुल्मी । नेपाल सरकारका परराष्ट्रमन्त्री प्रदीपकुमार ज्ञवालीले बिगतमा जस्तो नेपालीले नाकाबन्दीको कल्पनासमेत गर्नु नपर्ने बताएका छन् ।
आइतबार गुल्मीदरबार गाउँपालिका– ७ र ३ जोड्ने ठुलाचौर लामडाडा पौवाखर्क हरियाली सडकको उद्घाटन गर्दै मन्त्री ज्ञवालीले उत्तरी नाकाहरु खुला भएकोले चीन हुँदै समुन्द्री माध्यमबाट समेत अन्य देशसँग पनि जोडिन सकिने भन्दै अब नेपालले नाकाबन्दी भोग्नु नपर्ने बताए ।
उनले अगाडि भने-‘निर्वाचित भएपछिको पछिल्लो एक वर्षमा विकासको जग बसिसकेको छ । अब विकास निर्माणले तीव्रता पाउनेछ ।’
उनले रेसुङ्गा विमानस्थलको कालोपत्रे, सालझण्डी खर्ज्याङ्ग ढोरपाटन फास्टट्रयाक, खानेपानी समस्या ग्रामीण र सडकको कालोपत्रे लगायतका कार्यहरु आफ्नो प्राथमिकतामा रहेको बताए ।