काठमाडौं । युवतीका विषयमा झगडा हुँदा धनकुटामा एकजना युवकले आफ्नै साथीको हत्या गरेका छन् । महालक्ष्मी नगरपालिका–२ मारेक माझगाँउका २५ वर्षीय घनेन्द्र लिम्बूले सोही वडा बस्ने २२ वर्षीय सन्तोष लिम्बूको धारिलो हतियार प्रयोग गरी हत्या गरेका हुन् ।
वैशाख पूर्णीमाको अवसरमा स्थानीय साकेला थान ‘मन्दिर’मा लागेको उभौली मेलामा रातभर नाचगान र खानपिनसँगै गरेका सन्तोषलाई घनेन्द्रले चेलीलाई आँखा लगाएर जिस्काएको भन्दै छुरी प्रहार गरेको प्रहरीले जनाएको छ । छुरी प्रहारबाट घाइते सन्तोषको आइतबार बिहान ५ बजे घटनास्थलमै मृत्यु भएको हो।
छुरा प्रहार गर्ने घनेन्द्रलाई प्रहरीले नियन्त्रणमा लिएको छ । मृतकको शव पोस्टमार्टमका लागि धनकुटा अस्पताल पठाइएको छ ।,सामाचार राजधानी दैनिकले छापेको छ ।
