काठमाडौं । नेपाली राष्ट्रिय फुटबल टिमका गोलकिपर किरण चेम्जोङ र माल्दिभ्सको टिसी स्पोट्रस क्लबबीचको सम्झौता रद्द भएको छ ।
नेपाली टीमको मैत्रीपूर्ण खेललाई मुख्य प्राथमिकतामा राख्दा किरणले माल्दिभ्सबाट व्यवसायिक फुटबल खेल्ने मौका गुमाएका हुन् । यो सिजनको लागि किरण र क्लबबीच लिखित सम्झौता भइसकेको थियो ।
यसअघि किरणले टिसी स्पोर्टस्सँग चार बर्षको नयाँ सम्झौता गरेका थिए । गत सिजन क्लबलाई धिवेही प्रिमियर लिगको उपाधि जिताउन अहम भूमिका खेलेका किरणले लिगको उत्कृष्ट गोलरक्षकको पुरस्कार समेत जितेका थिए ।
माल्दिभ्समा आउँदो जुन महिनादेखि नयाँ सिजन शुरु हुँदैछ ।यता, विमल घर्तिमगरले यसै सिजनबाट माल्दिभ्सको टिसी स्पोट्र्स क्लबबाट खेल्दैछन् । उनी भने केही दिनमा माल्दिभ्स प्रस्थान गर्ने छन् । उनी चोटका कारण राष्ट्रिय टिमबाहिर छन् ।
नेपालले जुन २ तारिखमा मलेसियासँग प्रतिस्पर्धा गर्दै छ भने जुन ६ मा चाइनिज ताइपेइसँग खेल्दैछ ।
नेपाली टिम
गोलकिपर : किरण चेम्जोङ, एलन न्यौपाने, विकेश कुथु
डिफेन्स : विराज महर्जन (कप्तान), सरोज दाहाल, रन्जित धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल
मिडफिल्ड: सुनिल बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोष तामाङ, तेज तामाङ,
फरवार्ड : विमल राना, नवयुग श्रेष्ठ, अभिषेक रिजाल र अञ्जन विष्ट ।
