चलचित्र ‘ए मेरो हजुर ३’को रेड कार्पेट प्रिमियर बेलायतमा गरिएको छ । आइतबार बेलुकी अल्डरसटस्थित एम्पायर हलमा चलचित्रको प्रिमियर भएको हो । सपन इन्टरटेनमेन्टले आयोजना गरेको प्रिमियरमा चलचित्रकी नायिका सुहाना थापा, निर्देशक झरना थापा र निर्माता सुनिलकुमार थापा उपस्थित थिए ।
प्राय कुर्ता र सभ्य पहिरन लगाउन मन पराउने सुहाना थापा लण्डनमा बोल्ड अवतारमा पुगेकी थिइन् । सुहानाको नयाँ गेटअपलाई समेत दर्शकले रुचाए । फिल्ममा पनि नर्मल पहिरनमा देखिएकी सुहानले सामाजिक संजालमा भने कहिले काही निकै हट तस्बिर शेयर गर्ने गरेकी छन् । हालै पनि उनले केही तस्बिर सार्वजनिक गरेकी छन् । जसको कारण उनको चर्चा अहिले चुलिएको छ ।
तस्बिरमा उनले हल्का ग्रिन कलरको गाउन लगाएकी छन् । गाउनमा उनले गाडी भित्र र गाडी बाँहिर दुई तस्बिर खिचाएकी छन् । तस्बिरमा उनको सौदर्यता झल्किनुका साथै उनी हट समेत देखिएकी छन् ।
उनी अहिले युरोप टुरमा छिन् । सायद त्यसैले पनि होला अन्य कलाकार झै उनी पनि बिदेश पुगेपछि निकै खुल्न थालेकी छन् । पछिल्लो केही समययता उनले सार्वजनिक तस्बिरले पनि सो अनुमान लगाउन सकिन्छ ।
दर्शकले सुहानाको कामको समेत तारिफ गरेका थिए ।नेपालमा समेत ५१ दिन मनाएको यो चलचित्रमा अनमोल केसी, सुहान थापा, सलोन बस्नेत, रेअर राई लगायतका कलाकारको मुख्य भूमिका छ ।
