मोरङ । प्रदेश १ स्थित नेपाल– भारत सीमा क्षेत्रमा १७९ वटा नयाँ स्तम्भ निर्माण कार्य सम्पन्न भएको छ । सुनसरी मोरङ र झापामा अझै २४३ स्तम्भ निर्माण गर्न बाँकी छन् । शुक्रबार प्रदेश १ को राजधानी विराटनगरमा सम्पन्न नेपाल–भारत संयुक्त सीमा क्षेत्र सर्वेक्षण फिल्ड सर्भे टिमको दोस्रो बैठकमा यस्तो जानकारी दिइएको हो ।
बैठकमा नेपालबाट सुनसरी, मोरङ र झापाका प्रमुख जिल्ला अधिकारीलगायतका सुरक्षा निकायका प्रमुख, वन र नापी कार्यालयका प्रमुखको सहभागिता थियो ।
भारततर्फबाट सुपौल र अररिया जिल्लाका डिस्ट्रिक्ट मजिस्ट्रेट, सुरक्षा निकायका प्रमुखलगायत वन र नापी कार्यालयका प्रमुखको बैठकमा सहभागिता थियो । यो खबर आजको राजधानी दैनिकमा छापिएको छ ।
