काठमाडौं । लिच्छविकालीन गोकर्णेश्वर महादेव मन्दिरको छाना सुनले छाउने काम धमाधम भइरहेको छ। स्थानीयवासीको सक्रियतामा घरघरबाट तामाका भाडा संकलन गरेर मन्दिरको छानामा तामाको पातामा २३ किलो सुनको लेपन लगाएर छाउन सुरु गरिएको गोकर्णेश्वर नगरपालिका ४ का अध्यक्ष कुमार श्रेष्ठले जानकारी दिए।
श्रेष्ठका अनुसार पशुपतिनाथ, मनकामना मन्दिरको जस्तो पानी नचुहिने छाना छाउन १७ करोड रुपैयाँ बराबरको लागत लाग्ने अनुमान छ। ०७२ सालको भूकम्पले मन्दिरलाई जीर्ण बनाएपछि झिँगटीको सट्टा सुनको जलप भएको छानाले प्रतिस्थापन गर्न लागिएको समाचार आजको कान्तिपुर दैनिकमा प्रकाशित छ ।
