काठमाडौं । पदम गोले तामाङले हिलिहाङ–४, पञ्चमीकी १५ वर्षीया प्रेमिका शीतल योङहाङको योजनासहित हत्या गरेको स्विकारेका छन् ।
शीतलको गत २९ वैशाखमा घाँटी रेटेर विभत्स हत्या भएको थियो ।
घटनापछि फरार प्रेमी फाल्गुनन्द–२, पात्ले भन्ज्याङका २० वर्षीय तामाङ २१ दिनपछि झापा दमकबाट पक्राउ परेका हुन् ।
शीतलले आफूलाई छाडी अरुसँगै प्रेम गर्न थालेको शंकामा बदला लिन योजना बनाई हत्या गरेको तमाङले प्रहरीसमक्ष बयान दिएका छन् ।
शीतलको प्रेममा पागल उनले ‘आफूलाई कम महत्व दिन थालेपछि योजना बनाएरै हत्या गरेको अनुसन्धानबाट खुलेको प्रहरी निरीक्षक अनिलकुमार पौडेलले बताएको राजधानी दैनिकले समाचार प्रकाशित छ ।
