काठमाडौं । गल्छी गाउँपालिका अध्यक्ष कृष्णहरि क्षेष्ठले सञ्चालनमा ल्याएको उद्योगले स्थानिय तहमा कर तिरेको नक्कली बिल पेश गरी विभिन्न सेवासुविधा लिएको खुलासा भएको छ ।
गल्छी गाउँपालिकामा बालुवाखानी सञ्चालन लगायत विभिन्न निमार्ण कार्यको जिम्मा लिने गरेको एस केवि कन्टक्सन एण्ड सप्लायसले ३ महिनाको सम्पती कर १ लाख १३ हजार २ सय ८० रुपैयाको नक्कली राजस्व तिरेको रसिद प्रयोग गरि सेवा सुविधा लिएको खुलासा कान्तीपुर दैनिकले गरेको छ ।
छोरा भेट्न असार ५ गते अमेरीका तर्फ लागेका अध्यक्ष श्रेष्ठले भिषा लिदा अमेरीकी दुतावासमा जेष्ठ ९ मै गाउपालीकामा कर चुक्ता गरेको रसिद नम्बर ०००२०३७ पेस गरेका थिए । सम्पती कर बुझाएको उक्त रसिदको रकम आन्तरीक राजस्व शाखामा भने जम्मा भएको छैन । उक्त रसिद लिन अध्यक्षले छोरा सुरेन्द्र श्रेष्ठलाई प्रयोग गरेको बुभिलएको छ ।
उक्त मीतिको रसिद र रकमवारे गाउँपालीकाका प्रमुख अधिकृत दान बहादुर ऐडीले कार्यालयमा छलफल भइरहेको बताए । कसरी उक्त रकम मिलान गर्ने वा राजस्वमा जम्मा भएको कसरी देखाउने भन्ने विषयमा हैरानी भएको गाउँपालीकाका एक वडा अध्यक्षको भनाई छ । कर मिनाहा गराउने वा छोरा सुरेन्द्रसंग अशुल्ने भन्नेवारे छलफल भईरहेको उनले बताए ।
अध्यक्ष श्रेष्ठ अमेरीका गएका कारण गाँउपालीकाले आगामी आवको लागी निती तथा कार्यक्रम ल्याउन सकेको छैन । आफै कर निधारण र लागु पर्ने जनप्रतिनीले नै कर नतिरेर नक्कली विल पेस गरेको ठहरीए । किर्ते कागजातको महल अनुसार कारबाही हुने जिल्ला स्थित कोष तथा लेखा नियन्त्रण कार्यालयको भनाई छ ।
