काठमाडौँ । इन्टरनेशनल च्याम्पियन्स कपमा रियल म्याड्रिड पराजित भएको छ । आइतबार विहान भएको खेलमा बार्यनले रियल मड्रिडलाई ३–१ गोल अन्तरले हराएको हो ।
बायर्नको जितको लागि कोरेन्टिन टोलीस्सो, रोबोर्टो लेवानडोस्की र सर्जी ग्नाब्रीले एक एक गोल गरेका थिए । त्यस्तै रियल म्याड्रिडका लागि एक गोल रोड्रीगोले फर्काएका थिए । बार्यनले खेलको १५ औं मिनेटमा कोरिन्टन टोलिसोको गोलबाट अग्रता लिएको थियो । बाँकी गोल भने दास्रो हाफमा मात्र भयो ।खेलको ६७ औं मिनेटमा रोबर्टो लेभान्डोस्कीले गोल गरे भने दुई मिनेटपछि सर्ज गोनाब्रीले गोल गरे ।
खेलको ८१औ मीनेटमा रियलका रोड्रीगोलाई फाउल खेलेका बायर्नका गोल किपर स्भेन अलरेइचले रातो कार्ड पाएर मैदान छोडेपछि बायर्न १० खेलाडीमा सिमित भएको थियो ।
त्यसको फाइदा उठाउँदै तीन मिनेटपछि नै रियल मड्रिडका रोड्रागोले गोल गरे, तर टोलीको हार टार्न सकेनन् ।गत सिजन निकै खराब खेलेको रियल म्याड्रिडले यस सिजनमा बेल्जियमका इडेन हजार्डलाई भित्र्याएको छ । पहिलो हाफ खेलेका हजार्डले पनि रियललाई जित दिलाउन सकेनन् ।
त्यस्तै पछिल्लो सिजनमा पर्याप्त खेल नपाएका वेल्सका स्टार खेलाडी ग्यारेथ बेलले यस खेलमा खेल्ने मौका नै पाएनन् ।
