काठमाडौं । सरकारका प्रवक्ता एवं सञ्चारमन्त्री गोकुल बास्कोटाले रअका प्रमुखले प्रधानमन्त्रीलाई भेटेको कुरा आफूलाई जानकारी नभएको बताएका छन् ।
मन्त्रिपरिषद्का निर्णयहरु सार्वजनिक गर्न आयोजित नियमित पत्रकार सम्मेलनमा बास्कोटा यदि आएको हो र भेटेको हो भने कूटनीतिक प्रोटेकलकै आधारमा भेटघाट भएको हुनुपर्ने बताए । उनले अहिलेसम्म आधिकारिक्ता नआएको भन्दै हल्ला फैलाउने काम नगर्न अग्रह गरे । मन्त्री बास्कोटोले भने, ‘म दाबाका साथ भन्छु प्रधानमन्त्रीले भेटघाट भए जस्तो, भेटेकै जस्तो लाग्दैन ।’
यता सरकारले नेपाल दूरसञ्चार प्राधिकरणको अध्यक्षमा पुरुषोत्तमप्रसाद खनाल नियुक्त गरेको छ । मन्त्रिपरिषद् बैठकका निर्णय सुनाउँदै मन्त्री बास्कोटाले यसको जानकारी दिएका हुन्।