काठमाडौं । पाकिस्तानका प्रधानमन्त्री इमरान खानले पाकिस्तान भारतसँग युद्ध गर्न तयार रहेको बताएका छन् । बुधबार पाकिस्तान–प्रशासित कश्मीरको राजधानी मुजफ्फराबाद पुगेका प्रधानमन्त्री खानले ‘यदि युद्ध भए पनि पाकिस्तान पुर्ण रूपमा तयार’ रहेको बताएका हुन् ।
उनले मुजफ्फराबाद सदनको विशेष सत्रमा सम्बोधन गर्दै अब भारत प्रशासित कश्मीरमा पाकिस्तानले केही गर्ने बताएका छन् । भारतीय प्रधानमन्त्री मोदीतर्फ संकेत गर्दै ‘ईटको जवाफ पत्थरले दिने’ भन्दै उनले सो क्षेत्रमा आफुले केही गर्ने बताएका हुन् ।
त्यस्तै प्रधानमन्त्री खानले विवादित कश्मीरका कारण भारत र पाकिस्तानको युद्ध भए त्यसका लागि विश्व शक्ति राष्ट्रहरू जिम्मेवार हुने समेत बताएका छन्। खानले कश्मीरका जनतालाई दिइएको आत्मनिर्णयको अधिकारलाई मोदीले फ्यालिदिएको भन्दै आफुहरु कश्मीर मुद्दालाई लिएर अन्तर्राष्ट्रिय मञ्चहरूमा जाने बताएका छन् ।
