काठमाडौं । प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीलाई ज्वरो आएपछि औपचारिक एजेन्डामा प्रवेश नगरी नेकपा सचिवालय बैठक स्थगित भएको छ।
विष्णु पौडेलको प्रतिवेदनमाथि सामान्य छलफल भयो भएता पनि बैठक औपचारिक एजेन्डामा प्रवेश गरेन।नेकपाले पार्टी विभागको नेतृत्व, जनवर्गीय संगठनका इन्चार्ज तथा सहइन्चार्ज, विभिन्न आयोगहरु, परिषद् र जेष्ठ नागरिक मञ्चको नेतृत्वको टुंगो लगाउन बाँकी छ। स्कुल विभाग प्रमुखको जिम्मेवारी अहिलेका लागि दुई अध्यक्षले नै राख्नसक्ने सम्भावना रहेको सचिवालय स्रोतले जनाएको छ।
नीति तथा प्रतिष्ठानसहित ३३ विभागमध्ये १८ पूर्वएमाले र १४ पूर्वमाओवादीको भागमा परेको छ। दुवै पक्षको दाबीका कारण विवादमा रहेको स्कुल विभागको नेतृत्वबारे नेकपाको नेतृत्व अहिलेसम्म अनिर्णित नै छ।
