रुकुम । विप्लव नेतृत्वको नेकपाका चार नेताले आत्मसर्पण गरेका छन्।
आत्मसमर्पण गर्नेमा रोल्पाको थवाङ गाउँपालिकाका–१ घर भइ हाल भूमे गाउँपालिका–२ बस्दै आएका २५ वर्षीय बालकुमार बुढा मगर,भूमे गाउँपालिका ६, का २४ वर्षीय महेश सुनार, ३० वर्षीय बटकुमार बुढा मगर र १९ वर्षीय विनोद छिनाल रहेका छन्। उनीहरु चन्द समूहका सक्रिय र भूमिगत कार्यकर्ता भएको प्रहरीले जनाएको छ।
जिल्ला प्रहरी कार्यालयसँगको सम्पर्क मार्फत उनीहरुले शुक्रबार रुकुम पूर्व जिल्ला प्रशासन कार्यालयमा आत्मसपर्मण गरेको जिल्ला प्रहरी प्रमुख, प्रहरी नायव उपरीक्षक योगेन्द्रकुमार खड्काले जानकारी दिए।
