भद्रपुर । गैर नेपाली नागरिकलाई नेपाली नागरिकता वितरण गरेको प्रकरणमा मुछिएका भद्रपुर ९ का वडाध्यक्ष शनिलाल राजवंशीमाथि निष्पक्ष छानविन गरी कार्वाही हुनु पर्ने माग सहितको ज्ञापन पत्र जिल्ला प्रशासन कार्यालय झापामा नेपाली काँग्रेसले बुझाएको छ । नेपाली काँग्रेस भद्रपुर ९ नम्बर वडा समितिले वडाध्यक्ष राजवंशीले भारतीय नागरिकलाई नेपाली नागरिकता दिन भूमिका खेलेको प्रति निष्पक्ष छाविन गरी कारवाही हुनु पर्ने माग सहित झापाका प्रमुख जिल्ला अधिकारीलाई ज्ञापनपत्र बुझाएको हो ।
नागरिकता प्रकरणमा नाम जोडिएका वडाध्यक्ष राजवंशी वडा कार्यालयमा एक महिनादेखि अनुपस्थित हुँदा वडाबासीका काममा बाधा समेत भएको काँग्रेसको ठहर छ । दोषाी भए राजवंशीलाई कडा कानुनी कारवाही हुनु पर्यो नभए वडाको जिम्मेवारीमा आएर नागरिकको सेवा गर्नु पर्यो भन्दै ज्ञापनपत्रमा वडाध्यक्ष राजवंशीका बारेमा सत्यतथ्य सार्वजनिक गर्न प्रशासन समक्ष माग समेत गरिएको छ ।
नेपाली काँग्रेसका ९ नम्बर वडा सभापति गोपालप्रसाद श्रेष्ठ तथा पार्टीका तर्फबाट वडाध्यक्षका प्रत्यासी राजेन्द्र रिजालले सम्युक्त हस्ताक्षर गरी ज्ञापनपत्र बुझाएका हुन् । कार्यक्रमा क्षेत्रीय सभापति गणेश पोखरेल, पूर्व जिल्ला सदस्य देवेन्द्र गौतम, क्षेत्रीय सचिव रमेश पोखरेल, नगर उपसभापति ज्ञानबहादुर चौहान लगायतको टोलीले जिल्ला प्रशासन कार्यालयमा पुगेर ज्ञापनपत्र बुझाएको हो ।
यता केही समय अगाडिदेखि कागजात मिलाएर नेपाली भइसकेका अधिकाम्स व्यक्तिसित नागरिकता खारेज हुन लागेकोले रोक्न तथा वडाध्यक्ष लगायत कर्मचारी बचाउन भन्दै केही व्यक्तिहरूले ५ हजारदेखि १५ हजारसम्म असुल्न थालेको स्थानीयले बताउने गरेका छन् । केही महिना अगाडिदेखि २० वर्ष अगाडिसम्म कागजात मिलाएर नागरिकता लिएका भारतीय मुलका १५० बढी व्यक्तिको नामवाली संकलन गरेर पुरानालाई ५ हजार र नयाँलाई १५ हजार रकम माग गरेर संकलन थालिएको स्थानीयको भनाइ छ ।
पीडितले रकम माग गर्ने व्यक्तिको नाम दिन अश्विकार गरे पनि सत्तासिन दलका स्थानीय नेताको अगुवाइमा केही प्रतिपक्षी दलका नेता समेत रकम असुलीमा सकृय रहेको बताउने गरेका छन् ।
