वीरगञ्ज । पर्साको जगरनाथपुरमा करेन्ट लागेर एकजनाको मृत्यु भएको छ । विद्युतीय मोटर चलाएर खाट्टा धुने क्रममा तार सर्ट भइ जगरनाथपुर गाउँपालिका–१ पाण्डेपुरका ३५ वर्षीय असरफ राउत गद्दीको मृत्यु भएको हो ।
घाइते भएका राउतको उपचारका क्रममा नारायणी अस्पताल वीरगञ्जमा मृत्यु भएको जिल्ला प्रहरी कार्यालय पर्साले जनाएको छ ।
प्रहरीका अनुसार पोष्टमार्टमपछि शव आफन्तले बुझेका छन् । घटनाबारे थप अनुसन्धान भइरहेको प्रहरीले जनाएको छ ।
