कात्तिक ८ गतेलाई प्रदर्शन मिति तय गरिएको चलचित्र ‘पोई पर्यो काले’को फस्टलुक रिलिज भएको छ । चलचित्रको फस्टलुकमा नायक सौगात मल्ल, आकाश श्रेष्ठ, सोहित मानन्धर, नायिकाद्धय पूजा शर्मा र श्रृष्टी श्रेष्ठलाई स्थान दिइएको छ ।
फस्टलुकले चलचित्र विशुद्ध पारिवारिक कथामा बनेको संकेत दिन्छ । किरण नेपालीको प्रस्तुतिमा तयार भएको चलचित्रमा दिपक मनाङ्गे र सरोज नेपालीको लगानी छ । लेखन तथा निर्देशन भने शिशिर राणा रहेको छ ।
चलचित्रमा शिव ढकालको छायांकन, लालबहादुर खाती र अर्जुन पोखरेलको संगीत, कमल राई र रामजी लामिछानेको कोरियोग्राफी, तारा थापाको सम्पादन छ ।
मधुमास देखि हाल सम्हालिन्छ कहिले मन सम्म अभिनेत्री पूजाले निर्देशक सुदर्शनको साथ छाडेकी छैनन् । लगातार एकपछि अर्को फिल्म साथमा गर्दा उनीहरु प्रेममा रहेको चर्चा पनि निकै चलेको छ । गुमनाम पूजालाई स्टार बनाउनमा सुदर्शनको ठूलो हात छ । उनको साथ विना पूजाको करिअर धर्मराउने चर्चा भइरहँदा उनले धेरैपछि अन्य निर्देशकसँग सहकार्य गरेकी छन् ।
