पालिकेल्लीः श्रीलंका र न्यूजील्यान्डबीच श्रीलंकाकाे पालिकेल्लीमा भएकाे तेस्राे टी२० क्रिकेट प्रतियाेगिता तिब्र गतिका बलर लसिथ मालिङ्गाकाे घातक बलिङका कारण श्रीलंकाले ३७ रनले जितेकाे छ ।
मालिङ्गाले न्यूजील्यान्डकाे पाली ध्वस्त बनाउनेक्रममा ह्याट्रिक सहित ४ अाेभरमा ६ रन दिएर ५ विकेट लिएका थिए । अर्का बलर धनन्जयले २ विकेट लिएका थिए । यस खेलमा मालिङ्गा प्लेयर अफ द म्याच भएका थिए ।
श्रीलंकाले पहिले ब्याटिङ गरेर बनाएकाे १२६ रनकाे चुनाैती पछ्याउनेक्रममा न्यूजील्यान्डकाे टाेली १६ अाेभरमा ८८ रनमै समेटिएकाे थियाे ।
श्रीलंकाले टस जिती पहिले ब्याटिङ राेजेकाे थियाे । तर श्रीलंकाले पनि खासै ठूलाे चुनाैती प्रस्तुत गर्न सकेकाे थिएन ।
शुक्रबारकाे खेल श्रीलंकाले जिते पनि तीन म्याचकाे यस शृंखलामा अघिल्ला २ खेल जितेर न्यूजील्यान्डले शृंखला कब्जा गरेकाे छ ।
