काठमाडौं । नेपाल टेलिभिजनबाट प्रशारण भैरहेको ‘भद्रगोल’ सिरियलको टिममा केहि विवादका कारण छुटेपछि अहिले नयाँ टिम सहित कार्यक्रम प्रशारण भईरहेको छ । मिडिया हबले पुरानो टिम बाहिरिएपछि नयाँ टिम राखेर यो शोलाई प्रशारण गरिरहेको छ । तर, पुरानो ‘भद्रगोल’ टिमले भने नयाँ नाममा नेपाल टेलिभिजनमै नयाँ शो ल्याउने पक्का पक्की भएको छ ।
‘सक्किगोनि’ नाममा प्रशारण हुने नयाँ शो बिहिबार बेलुकी ८ः५० को समयमा प्रशारण हुन लागिएको छ । नयाँ शैली र नयाँ प्रस्तुतिमा शो प्रशारण गर्न लागिएको निर्माण टिमले बताएको छ । सक्किगोनि’ सिरियल आएपछि दर्शकको पुरानो ‘भद्रगोल’ टिमलाई हेर्ने चाहना पुरा हुने विश्वास गरिएको छ ।
सार्वजनिक नयाँ टिम सहितको ‘भद्रगोल’लाई दर्शकले पुर्ण रुपमा समर्थन जनाएका छैनन् । सामाजिक संजालमा यस्को व्यङ्ग्य दर्शकहरुले गरेका छन् । नयाँ टिमसहित आएको भद«गोल युटुबको ट्रेन्डिङ नम्बर ८ मा भएपनि यसलाई १९ हजारले लाईक गरेका छन् भने ४८ हजारले डिस्लाईक गरिसकेका छन् ।
‘सक्किगोनि’मा अर्जुन घिमिरे, कुमार कट्टेल, रक्षा श्रेष्ठ, मधुसुदन पाठक, अशोक धिताल, सागर लम्साल दिपक आचार्य लगायतका कलाकारलाई देख्न सकिन्छ । मिडिया हवसँग कुरा नमिलेपछि आफूहरुले नयाँ शो सुरु गर्न वाध्य भएको टिमले बताएका हुन् ।