चितवन । चितवनमा निर्माणाधीन अन्तर्राष्ट्रिय क्रिकेट रंगशाला निर्माणका लागि निर्माण व्यवसायी संघ चितवनले १० लाख १ हजार १११ रुपैयाँ सहयोग गरेको छ ।
निर्माण व्यवसायी संघको २६ औं साधारणसभा तथा अधिवेशनको अवसर परि कार्यक्रममा प्रमुख अतिथि प्रदेश नम्वर ३ का मुख्यमन्त्री डोरमणि पौडेल र निर्माण व्यवसायी संघ चितवनका अध्यक्ष हरिप्रसाद घिमिरेले भरतपुर महानगरपालिकाकी प्रमुख रेनु दाहाल र वडानम्बर ७ का वडाध्यक्ष राजेन्दमणि काफ्लेलाई चेक हस्तान्तरण गरिएको थियो ।
चितवनको रामपुरमा धुर्मुस–सुन्तली फाउण्डेशनले क्रिकेट रंगशाला निर्माणको काम अघि बढाएको हो । हाल रंगशालाको डिपिआर बनाउने काम भैरहेको छ ।
