काठमाडौं । ग्यासको आपूर्ति तथा वितरणलाई सहज, व्यवस्थित र पारदर्शी बनाउन काठमाडौं उपत्यकाका विभिन्न स्थानमा सादा पोसाकका प्रहरी परिचालन गरिएको छ।
गृहमन्त्री सुधन गुरुङको निर्देशनपछि गृह मन्त्रालयमार्फत आज पनि उपत्यकाका विभिन्न क्षेत्रमा सादा पोसाकका प्रहरी परिचालन गरी ग्यासको वितरण अवस्थाबारे निगरानी भइरहेको हो।
उद्योगमन्त्री गौरीकुमारी यादवको पहलपछि ग्यास आपूर्ति तथा वितरणमा देखिएका समस्या समाधान गर्दै वास्तविक उपभोक्ताले सहज रूपमा ग्यास पाउने वातावरण बनाउन निगरानीलाई निरन्तरता दिइएको मन्त्रालयले जनाएको छ।
ग्यास वितरणमा हुने अनियमितता, कृत्रिम अभाव तथा बिचौलियाको गतिविधि नियन्त्रण गर्दै उपभोक्तालाई सहज रूपमा ग्यास उपलब्ध गराउने उद्देश्यले निगरानी बढाइएको हो। मन्त्रालयले ग्यास आपूर्ति तथा वितरण व्यवस्थालाई थप प्रभावकारी बनाउन आवश्यक समन्वय र अनुगमन जारी राखेको जनाएको छ।
