साउदी अरेबिया। अमेरिकी राष्ट्रपति डोनाल्ड ट्रम्पको उत्कर्षमा रहेको मध्य पूर्व युद्धबिच इरानमा नयाँ आक्रमण योजना सार्वजनिक भएपछि तेहरान समर्थित हुथी विद्रोहीले शनिबार साउदी अरबियामा मिसाइल आक्रमण गरेको दाबी गरेको छ ।
यो सँगै लगातार १३ औँ रात अमेरिकी सेनाले इरानी सैन्य लक्ष्यमा आक्रमण गरेपछि शनिबार पुनः आक्रमणको घोषणा गरेको छ । यद्यपी हुथी विद्रोहीले दक्षिणी साउदी सहर जिजानमा क्षेप्यास्त्र आक्रमण गरेको दाबी गर्दै यस क्षेत्रमा द्वन्द्व फैलिएको केही समय अघि इरान माथि ठूलो आक्रमण गर्ने तयारी तथा निर्णय नगरेको ट्रम्पले बताउनुभएको छ ।
विद्रोहीले शीर्ष तेल उत्पादकले समुद्री नाकाबंदीको घोषणापछि र लाल सागरमा यसका जहाजमा प्रहार गरेको तथा हुथीले अमेरिकी सहयोगी रियादको सैन्य लक्ष्यमा आक्रमण गरे पछि युद्धको “खतरनाक वृद्धि” भएको आरोप लगाएका थिए । गत फेब्रुअरीमा तेहरानमा अमेरिका-इजरायली आक्रमणपछि यस क्षेत्रलाई समेटेर युद्ध भड्किएको र महत्वपुर्ण समुद्री मार्ग स्ट्रेट अफ होर्मुजमा इरानको समानान्तर नाकाबंदीको उत्कर्षमा पुगेको जनाइएको छ ।
रियादको नागरिक सुरक्षा एजेन्सीले शनिबार प्रभावित सहरका बासिन्दा र यानबुको लागि चेतावनी जारी गरेको थियो । साउदी नेतृत्वको गठबन्धनले हुथीको केन्द्रमा आक्रमण गरेको र लाल सागरको जहाजमा आक्रमणको प्रतिक्रियामा व्यापारिक जहाजलाई धम्की दिने लक्ष्य नष्ट गरेको बताएपछि यो चेतावनी जारी गरिएको हो ।
यमनको एक सुरक्षा स्रोतलाई बताउदै एएफपीले होदेइडाको बन्दरगाह सहरमा रहेको नौ–सैनिक आधार र कामरान टापुमा रहेको सैन्य शिविर साउदी लक्ष्यमा रहेको बताएको छ । हुथीले यस हप्ताको सुरुमा दुई वटा साउदी जहाजमा आक्रमण गरेको दाबी गरेको छ भने साउदी अरेबियाले लाल सागरमा भएको एउटा आक्रमणको पुष्टि गरेको छ ।
हाल तेहरान वासिङ्टनसँगको वार्तामा “गम्भीर” हुँदै जाँदा ट्रम्पले इरानमाथि ठुलो अपरेसन हुने बताए पछि तनाव बढेको हो । यद्यपी इरानलाई कडा प्रहार गर्ने निर्णय गरेको हो, भनेर सोधिएको प्रश्नमा ट्रम्पले पत्रकारलाई यस्तो कुनै योजना नभएको र हाल लाई युद्धबाट निराश भएको बताएको जनाइएको छ । लगभग दुई हप्ताको अमेरिकी आक्रमणले युद्ध–विरामलाई बिगारे पछि इरानसँग सम्झौता गर्ने वा अझै उच्च स्तरको आक्रमणको सामना गर्ने मध्ये एक विकल्प रहेको ट्रम्पले बताउनुभएको छ ।
ट्रम्पले युद्ध चार वा पाँच हप्ता चल्ने बताउँदै इरान आणविक हतियार विकास गर्ने विषयमा सम्झौतामा नआएसम्म आक्रमण जारी रहने उल्लेख गर्नु भएको छ । यसैबिच अमेरिकाले इरानले महत्त्वपूर्ण स्ट्रेट अफ होर्मुज बन्द गर्न बाट रोक्नका लागि आक्रमण गरिरहेको पनि बताउदै आएको छ । इरानले भने अमेरिकी अड्डामा भएको आक्रमणको जवाफी आक्रमणमा चार जना सैनिकको मृत्यु भएको जनाइएको छ ।
इरानी सेनाले शुक्रबार बहराइन, जोर्डन र कुवेतमा अमेरिकी सैन्य सम्पत्तिलाई लक्षित गरी आक्रमण गरेको बताएको छ । यसैबिच, इरानको रिभोलुसनरी गाड्र्सले बहराइनको अमेजन “डाटा सेन्टर” लाई लक्षित गरी आक्रमण गरेको बताएको छ । संयुक्त राज्य अमेरिकाबाट भने यसका सुविधा वा कर्मचारीलाई लक्षित गरेको कुनै पुष्टि भएको छैन ।
यसैबिच चिनियाँ विदेश मन्त्री वाङले मध्यपूर्व र खाडी क्षेत्रमा तनाव कम गर्ने उद्देश्यले वार्ता पुनः सुरु गर्न र समझदारी ज्ञापनपत्र कार्यान्वयन गर्न आह्वान गरेको चिनियाँ समाचार एजेन्सी सिन्ह्वाले जनाएको छ । रासस/एएफपी
