काठमाडौं। ९औँ ग्लोबल नेपाली फिल्म अवार्ड २०२६अष्ट्रेलियाको सिड्नी टाउन हलमा हुने भएको छ । नेपाली चलचित्र क्षेत्रका उत्कृष्ट प्रतिभा, सिर्जना र उपलब्धिलाई अन्तर्राष्ट्रिय स्तरमा सम्मान गर्ने उद्देश्यले आगामी १७ डिसेम्बरमा आयोजना गर्ने तयारी भै रहेको आयोजक मध्येका एक नेपाल फिल्म सोसाइटीका सञ्जय खतिवडाले जानकारी दिनुभयो ।
नेपाल फिल्म सोसाइटी र भारा इन्टरटेन्मेन्टले सयुक्त रुपमा आयोजना गर्न लागिएको कार्यक्रमको आयोजना अरुणचन्द्र श्रेष्ठ र रुपेश भट्टराईले गर्नेछन् भने विजय सापकोटाले सल्लाहकारको भूमिका निर्वाह गर्ने जनाईएको छ ।
आयोजकका अनुसार अवार्ड समारोहले विश्वभर रहेका नेपाली चलचित्रकर्मी, कलाकार, निर्माता, निर्देशक तथा प्राविधिकहरूको योगदानलाई सम्मान गर्दै नेपाली सिनेमाको अन्तर्राष्ट्रिय पहिचानलाई अझ सुदृढ बनाउने लक्ष्य राखेको छ। साथै, नेपाली चलचित्र उद्योगलाई विश्वव्यापी दर्शकमाझ प्रवर्द्धन गर्न तथा अन्तर्राष्ट्रिय सहकार्य विस्तार गर्न पनि यस कार्यक्रमले महत्वपूर्ण भूमिका खेल्ने अपेक्षा गरिएको आयोजकले जनाएको छ ।
ग्लोबल नेपाली फिल्म अवार्ड नेपाली चलचित्र क्षेत्रको प्रतिष्ठित अन्तर्राष्ट्रिय समारोहका रूपमा स्थापित हुँदै आएको छ, जहाँ नेपाली सिनेमाको उत्कृष्टता, सिर्जनशीलता र योगदानलाई विश्वमञ्चमा उत्सवका रूपमा मनाइन्छ।
