काठमाडौं । अहिले नेपाली समाजमा छुवाछुतजस्तो रुडीवादी सोच कतिपय ठाउँमा कायमै रहेको छ । यो बीचमा छिमेकी मुलुक भारतबाट आएको एक खबरले तपाइको होस उडाउनेछ । भारतको मध्यप्रदेशको शिवपुरी जिल्लामा खुल्ला शौच गरिरहेका दुई दलित बालबालिकाको केही व्यतिहरुले निर्मम तरिकाले हत्या गरेका छन् ।
घटना जिल्लाको सिरसौद थाना क्षेत्रको भावखेडी गाउँको हो जहाँ बुधबार बिहान वाल्मिकी समाजका दुई बच्चा १२ वर्षकी रोशनी र १० वर्षका अविनाश पंचात भवन अगाडिको सडकमा शौच गरिरहेका थिए । भारतीय प्रहरीका अनुसार हाकिमले दुई बच्चालाई सडकमा शौच गरेर सडक फोहोर गरेको भन्दै गाली गरे त्यसपछि उनले रामेश्वरसँग मिलेर पिटेका थिए ।
प्रहरीका अनुसार दुई अभियुक्तलाई नियन्त्रणमा लिइएको छ । घटनापछि तनावका कारण क्षेत्रमा ठुलो संख्यामा प्रहरी तैनाथ गरिएको छ । अविनाशका पिता मनोज वाल्मिकीले भने, ‘यी दुई बिहान ६ बजे शौचका लागि निस्किएका थिए । हाकिम र रामेश्वरले उनीहरुलाई लठ्ठीले कुटे ।
उनीहरुले दुबैलाई त्यतिबेलासम्म कुटे जबसम्म उनीहरुको मृत्यु भएन । म त्यहाँ पुग्दासम्म उनीहरु भागिसकेका थिए ।’ घटनापछि पुलिसले दुई बच्चाको लाशलाई पोस्टमार्टमका लागि शिवपुरी पठाएको भारतीय सञ्चारमाध्यमहरुले जानकारी दिएका छन् ।
