काठमाडौं । युवा, श्रम तथा रोजगार मन्त्री रामजी यादव, राष्ट्रिय योजना आयोगका सदस्य डा. पुकार मल्ल र नेपालका लागि अन्तर्राष्ट्रिय श्रम सङ्गठन (आइएलओ) का प्रमुख नुमान ओजकानबीच आइतबार शिष्टाचार भेटवार्ता सम्पन्न भएको छ।
भेटवार्तामा सरकारले अघि सारेको ‘आन्तरिक रोजगार प्रवर्द्धन दशक’लाई प्रभावकारी र व्यावहारिक रूपमा कार्यान्वयन गर्ने उपायबारे विस्तृत छलफल भएको जनाइएको छ।
छलफलका क्रममा नेपाली युवाका लागि स्वदेशमै भरपर्दो, दिगो तथा सम्मानजनक रोजगारीका अवसर सिर्जना गर्ने उद्देश्यले ल्याइने नीति, कार्यक्रम र विभिन्न पहलहरूमा आपसी सहकार्य तथा समन्वयलाई थप सुदृढ बनाउने विषयमा विचार–विमर्श भएको मन्त्रालयले जनाएको छ।
