काठमाडौँ । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन अन्तर्गत पहिलो चरणको निर्वाचनमा पार्टी सभापति रवि लामिछाने ले मतदान गर्नुभएको छ।
महाधिवेशनअन्तर्गत केन्द्रीय सदस्य चयनका लागि जारी निर्वाचन प्रक्रियामा सभापति लामिछानेले आफ्नो मताधिकार प्रयोग गर्नुभएको हो। रास्वपाले नयाँ नेतृत्व चयनका लागि विद्युतीय मतदान प्रणालीमार्फत निर्वाचन सञ्चालन गरिरहेको छ।
पार्टीको प्रथम राष्ट्रिय महाधिवेशनबाट केन्द्रीय समिति गठनका लागि विभिन्न पदमा निर्वाचन भइरहेको छ। महाधिवेशनमा देशभरबाट सहभागी प्रतिनिधिहरूले मतदानमार्फत नयाँ नेतृत्व चयन गरिरहेका छन्।
