काठमाडौं । च्याम्पियन्स लिग फुटबलमा बार्सिलोनाले स्लाविया प्रागलाई २–१ गोल अन्तरले हराएको छ । बुधबार राति भएको समूह एफको खेलमा बार्सिलोनाले स्लाविया प्रागलाई हराएको हो । लियोनल मेस्सीले खेलको तेस्रो मिनेटमा गोल गर्दै बार्सिलोनालाई सुरुवाती अग्रता दिलाएका थिए । मेस्सीले च्याम्पियन्स लिगमा लगातार १५ सिजन गोल गर्ने पहिलो खेलाडी बन्ने कीर्तिमान राखेका छन् ।
यो संगै गएरातीको खेलमा बार्साले संघर्षपूर्ण जित आत्मसाथ गरेको हो । अर्तुरो भिडालको पासलाई असस्टि गर्दै मेस्सीले गोल गरेका थिए । तर खेलको ५० औ मिनेटमा जान बोरिलले घरेलु टोलीका लागि बराबरी गोल फर्काएका थिए । तर खेलमो ५७ औ मिनेटमा पिटर ओलायिन्काको आत्मघाति गोलमा बार्सिलोना २–१ ले अघि बढ्न सक्यो र जित आफ्नो टिमलाई दिलायो ।
स्पेनिस लिगका शीर्ष स्थानमा उक्लिएको बार्सिलोनाले सबै प्रतियोगितामा लगातार छैटौ जित निकाल्न सफल भएको छ । समूह एफबाट शीर्ष स्थानको बार्सिलोनाले ७ अंक जोडेको छ । उसले दोस्रो स्थानको ईन्टर मिलानसंग ३ अंकको अग्रता लिन सफल भएको छ । स्लाभिया १ अंक सहित तालिकाको पुछारमा छ ।
