काठमाडौं । एल क्लासिको अन्तर्गत पहिलो लेगको खेलका लागि घोषणा गरिएको डिसेम्बर १८ को नयाँ मिति विवादित बनेको छ । डिसेम्बर १८ मा घोषणा गरिएको स्पेनिस लिग अन्तर्गत बार्सिलोना र रियल मड्रिडबीचको खेल घोषित नयाँ मितिमा ला लिगाले असहमती जनाएपछि विवादित बन्न पुगेको हो ।
स्पेनिस फुटबल महासंघले घोषणा गरेको डिसेम्बर १८ को नयाँ मितिमा पहिलो लेगको एल क्लासिको गर्न नसक्ने ला लिगाले जनाएको छ । ला लिगाले स्पेनिस फुटबल महासंघको निर्णयविरुद्व न्यायिक उपचार खोज्ने समेत खुलाएको छ । तालिका अनुसार अक्टोबर २६ मा क्याप नाउमा पहिलो लेगको खेल तय थियो ।
तर राजनीतिक अस्थिरताको कारण देखाउँदै ला लिगाले रियल मड्रिडको मैदानमा पहिलो लेगको खेल सार्न प्रस्ताव गरेको थियो । स्पेनिस महासंघ र दुवै क्लब डिफेम्बर १८ मा पहिलो लेग गर्ने बिषयमा सहमती नजिक पुगेका थिए । तर ला लिगाले डिसेम्बर ७ का लागि छलफल गरिरहेको थियो ।
सोही हप्ता रियल मड्रिड र स्प्यानियोल तथा बार्सिलोना र माकोर्लाबीचको खेल तय छ । जुन खेल डिसेम्बर ४ मा खेलिनेछ । तर अधिकतम टिभीमा प्रर्दशन गर्न ला लिगाले बिदाको दिन प्रस्ताव गरेको छ ।
