काठमाडौं । धर्मस्थलीमा सञ्चालित विद्यालयको बरण्डा भत्किँदा ४२ जना विद्यार्थी घाइते भएका छन् । काठमाडौं तारकेश्वर नगरपालिका ३ धर्मस्थलीमा रहेको विद्याकुञ्ज इंगलिस बोर्डिङ स्कुलमा बरण्डा भत्किँदा बरण्डामा बसेर खेलकुद हेरिरहेका विद्यार्थीहरु घाइते भएका हुन् ।
महानगरीय प्रहरी वृत्त बालाजुका अनुसार घाइते विद्यार्थी ६ देखि १२ वर्ष उमेरका छन् । उनीहरुमध्ये कतिपयको हात भाँचिएको, शरीरका विभिन्न ठाउँमा चोटपटक लागेको प्रहरीले जनाएको छ । घाइते विद्यार्थीलाई ग्रीनसिटी अस्पताल लगिएको छ । राजधानी दैनिकबाट
