काठमाडौं । उच्च अदालत पाटनको आदेशपछि पूर्वसांसद गायत्री साहले मेडिसीटि अस्पतालविरुद्ध १० करोड क्षतिपूर्तिको माग गर्दै आफ्नो बच्चा घर लगेकी छन् । डाउन सिन्ड्रोम भएको बच्चा जन्मिएपछि साहले अस्पतालको गलत काम भएको भन्दै बच्चा जिम्मा लिन मानेकी थिइनन् ।
पूर्वसांसद साहले २८ असोजमा मुद्दा दायर गर्दै अस्पतालविरुद्ध उपभोक्ता हित संरक्षण ऐन २०७५ को दफा ५० बमोजिम क्षतिपूर्ति माग गरेकी छन् । मुद्दा प्रक्रियामा गइसकेको र पेशीमा चढ्न बाँकी रहेको अदालतले जनाएको छ ।
गएको फागुनमा उक्त अस्पतालमा साहले बच्चालाई जन्म दिएकी थिइन् । बच्चा घर नलगेपछि अस्पतालले उच्च अदालत पाटनमा मुद्दा हालेको थियो ।