काठमाडौँ । वुमन्स च्याम्पियन्स लिग(डब्लूसीएल) क्रिकेटको उपाधि चितवन राइनोज वुमनले जितेको छ। कीर्तिपुरस्थित क्रिकेट मैदानमा भएको फाइनलमा चितवनले काठमाडौँलाई ४५ रनले हरायो।
पहिला ब्याटिङ गरेको चितवनले निर्धारित २० ओभरमा चार विकेट गुमाएर एक सय १२ रन जोड्यो। काठमाडौँ निर्धारित २० ओभरमा ६७ रनमा सिमित भयो।
रितु कनौजिया र सुमन खतिवडाले तीन तीन विकेट लिए भने रेखा रावलले दुई विकेट लिइन्। रेखाले ४ ओभरमा एक मेडन राखेर ९ रन खर्चिइन्। रितुले ४ ओभरमा एक मेडन राखेर ७ रन खर्चिइन्। सुमनले चार ओभरमा एक मेडन राखेर ११ रन खर्चिइन्। त्यसअघि चितवनको पालीमा सुमन खतिवडाले २९, इन्दु वर्माले अविजित २२, कन्चन श्रेष्ठले १९ र काजल श्रेष्ठले २१ रन बनाए।
