चीनको आयोजनामा हुने पहिलो संस्करणको विस्तारित फिफा क्लब विश्वकप सन् २०२१ मा हुने भएको छ । सहभागी संख्या विस्तार गरिएको क्लब विश्वकप चीनले अर्को बर्ष आयोजना गर्ने पक्का भएको हो । चीनले आयोजना गर्ने क्लब विश्वकप पहिलो र साँचो अर्थमा विश्वकप हुने फिफा अध्यक्ष जियानी ईन्फाटिनोले बताएका छन् ।
युरोपका ठुला क्लबहरुले यसअघिनै प्रतियोगिता बहिष्कार गर्ने घोषणा गरिसकेका छन् । पछिल्ला दुई संस्करणको क्लब विश्वकपको आयोजना कतारले गरेको थियो । जसमा ७ महादेशका उत्कृष्ट ७ क्लब सहभागी थिए । सन् २०१९ को क्लब विश्वकप डिसेम्बर ११ बाट सुरु हुनेछ ।
चिनको साङ्घाईमा भएको फिफा काउन्सिलको बैठकमा ईन्फान्टिनोले क्लब विश्वकप चीनमा आयोजना गर्ने निर्णय एतिहासिक र एसियाको क्लब फुटबल विकासमा महत्वपुर्ण हुने बताएका छन् । स्विस मुलका ईटालियन अध्यक्ष ईन्फान्टिनोले भने, ‘यो नै पहिलो साँचो अर्थमा विश्वकप हुनेछ । जहाँ उत्कृष्ट क्लबहरुले प्रतिस्पर्धा गर्नेछन् ।’
