ब्रिसबेन । अस्ट्रेलिया विरुद्धको दोस्रो टी२० क्रिकेट प्रतियोगिता अन्तर्गत ब्रिसबेनस्थित गाब्बा रंगशालामा श्रीलंकाले टस जितेर पहिले ब्याटिङ रोजेको छ ।
अस्ट्रेलियाले आइतबार खेलिएको पहिलो टी२० खेलमा श्रीलंकालाई १३४ रनको फराकिलो अन्तरले पराजित गरेको थियो । यस खेलमा अस्ट्रेलियाका प्रारम्भिक ब्याट्सम्यान डेभिड वार्नरले शतक बनाएका थिए ।
गाब्बाको पिचमा पनि अस्ट्रेलियालाई नै फाइदा पुग्ने जानकारहरुले बताएका छन् । अस्ट्रेलियाली टिम तिब्र गतिका बलर मिचेल स्टार्क बिना खेल्दैछ । उनको स्थानमा बिल्ली स्टानलेकले मौका पाएका छन् ।
पछिल्ला केही वर्षदेखि श्रीलंकाली टिमको प्रदर्शन खासै राम्रो छैन । तर पछिल्लो पटक पाकिस्तान विरुद्धको टी२० खेलमा श्रीलंकाले तीनै खेल जितेको थियो ।
श्रीलंकाले १० ओभरको खेल सकिँदा ४ विकेटको क्षतिमा ६५ रन बनाएको छ । श्रीलंकाका गुनथिलका ९२१०, मेन्डिस ९१० , फर्नान्डो ९१७० र डिकवेल्ला ९५० आउट भइसकेका छन् ।
अस्ट्रेलियाली टिममा आरोन फिन्च, डेभिड वार्नर, स्टिभ स्मिथ, ग्लेन म्याक्स्वेल, आस्टोन टर्नर, अलेक्स क्यारी, आस्टोन अगार, प्याट क्युमिन्स, बिल्ली स्टानलेक, केन रिचार्डसन र एडम जाम्पा रहेका छन् ।
यसैगरी श्रीलंकाली टिममा अभिष्का फर्नान्डो, दानुश्का गुनथिलका, कुसल मेन्डिस, कुसल परेरा, दासुन शानाका, निरोशान डिकेवेल्ला, वानिन्दु हासाराङ्गा, लक्षण सन्दाकान, नुवान प्रदीप, लसिथ मालिङ्गा र इसुरु उडाना रहेका छन्
