काठमाडौं । राष्ट्रिय क्रिकेट टिमका उपकप्तान ज्ञानेन्द्र मल्लले कप्तानको जिम्मेवारी पाएका छन् । नेपाल क्रिकेट संघ (क्यान)ले मल्ललाई जिम्मेवारी दिएको हो ।
पारस खड्काले कप्तानबाट दिएको राजीनामा स्वीकृत गर्दै संघले नया कप्तानमा मल्ललाई छनोट गरेको हो । क्रिकेट संघको निलम्बन भएको भोलिपल्टै खड्काले कप्तान पद छाड्ने घोषणा गरेका थिए ।
एक दशकसम्म राष्ट्रिय टिमको कप्तानी गरेका पारसले आइतबार इमेलमार्फत क्रिकेट संघमा राजीनामा बुझाएका थिए ।
