काठमाडौं । सरकारले विज्ञान, प्रविधि, अनुसन्धान तथा नवप्रवर्तन क्षेत्रको विकासका लागि पुँजीगत खर्चको एक प्रतिशत रकम छुट्याउने घोषणा गरेको छ।
शुक्रबार संघीय संसदको संयुक्त बैठकमा आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले विज्ञान, प्रविधि, अनुसन्धान तथा नवप्रवर्तनलाई प्रोत्साहन गर्न पुँजीगत खर्चको एक प्रतिशत बजेट विनियोजन गरिने घोषणा गरेका हुन्।
सरकारले यस कदममार्फत अनुसन्धान, नवीन प्रविधि विकास तथा नवप्रवर्तनमुखी गतिविधिलाई प्रोत्साहन गर्ने अपेक्षा गरेको छ।
