काठमाडाैँ । नेकपा (एमाले)की सांसद पूजा चौधरीले सुकुम्बासी बस्तीहरु हटाउनुअघि वैकल्पिक व्यवस्था गर्न सरकारसँग माग गर्नुभएको छ । राष्ट्रिय सभाको बिहीवारको बैठकमा बोल्दै उहाँले यस्तो बताउनुभएको हो ।
काठमाडौं उपत्यकाका सुकुम्बासीहरुको अवस्था अत्यन्त अव्यवस्थित रहेको बताउँदै खानपान, पिउने पानी र बालबालिकाको शिक्षासमेत प्रभावित भन्दै वैकल्पिक व्यवस्था नगरिकन बाँकी सुकुम्बासी बस्ती भत्काउनुअघि वैकल्पिक व्यवस्था गर्न उहाँको माग छ ।
उहाँले बालबालिका र अभिभावक छुट्टाछुट्टै स्थानमा बस्न बाध्य भएको तथा विद्यालय जाने विषयसमेत अन्योलमा रहेको बताउनु भयो । उहाँले सुकुम्बासी समस्या हल गर्ने नाममा भूमिहीनहरुलाई थप पीडा नदिन समेत सरकारको ध्यानाकर्षण गराउनु भयो ।
