काठमाडौँ। राष्ट्रिय स्वतन्त्र पार्टी (रास्वपा) का सांसद रहबर अन्सारीले आगामी आर्थिक वर्षको बजेट प्रगतिशील र नवीन ढङ्गले आउने विश्वास व्यक्त गर्नुभएको छ ।
सोमवार आगामी आर्थिक वर्षको बजेट संसदमा प्रश्तुत भएपछि सञ्चारकर्मीहरुसँग कुरा गर्दै अन्सारीले यस पटकको बजेटमा उद्यमशीलता र उद्योगसँग जोडिएका विषयहरूले प्राथमिकता पाउने बताउनुभएको हो ।
उहाँले विगत चार दशकदेखि मुलुकको विकास प्रक्रियामा रहेका विभिन्न व्यवधानहरूलाई यो बजेटले सम्बोधन गर्ने र रोकिएका गाँठा फुकाउने अवसर प्रदान गर्ने दाबी गर्नुभयो ।
सांसद अन्सारीले भन्नुभयो, ‘विगत ४० वर्षदेखि धेरै कुराहरू अड्किएका थिए, यसलाई खुकुलो पार्ने एउटा मौकाको रूपमा हामीले यस बजेटलाई लिएका छौँ । यो बजेट प्रगतिशील र नवीन ढङ्गले आउनेमा म विश्वस्त छु ।’
उहाँले यसपटकको बजेटले मुलुकलाई नयाँ दिशा दिने र विशेष गरी उद्योग तथा उद्यमशीलताको क्षेत्रमा सकारात्मक प्रभाव पार्ने अपेक्षा समेत व्यक्त गर्नुभएको छ । –न्युज एजेन्सी नेपाल
