काठमाडौं । नेपाली कांग्रेस संसदीय दलले विभिन्न पदमा नयाँ जिम्मेवारी तोकेको छ ।
दलका नेता भीष्मराज आङदेम्बेले संसदीय दलको विधान (संशोधन तथा परिमार्जन सहित, २०८३) अनुसार राष्ट्रिय सभा संसदीय दलको नेतामा कमला देवी पन्तलाई मनोनयन गरेका छन् ।
त्यस्तै, प्रतिनिधि सभातर्फ उपनेतामा अभिषेक प्रताप शाहलाई जिम्मेवारी दिइएको छ भने मुख्य सचेतकमा बासना थापा र सचेतकमा निश्कल राईलाई मनोनयन गरिएको प्रेस नोटमा उल्लेख छ ।
दलले उक्त मनोनयनहरू विधानको धारा ७ (१), धारा १२ (२) तथा धारा १३ अन्तर्गत गरेको जनाएको छ ।
