काठमाडाैँ । नेपाली कांग्रेसका नेता चन्द्र भण्डारीले पछिल्लो राजनीतिक प्रवृत्तिप्रति तीव्र असन्तुष्टि जनाएका छन्। उनले सामाजिक सञ्जालमार्फत प्रतिक्रिया दिँदै नेपालमा झगडालाई राजनीति र पहिचानका रूपमा स्थापित गरिँदै गएको भन्दै प्रश्न उठाएका हुन्।
उनले झगडा राजनीति हो?, झगडा नेपालीको पहिचान हो त? जस्ता प्रश्न गर्दै वर्तमान राजनीतिक संस्कारप्रति असन्तोष व्यक्त गरेका छन्। भण्डारीले हारमा पनि झगडा र जितमा पनि झगडा हुने प्रवृत्तिले धैर्यता र विधिको अभाव देखिएको टिप्पणी गरेका छन्।
उनका अनुसार पाका नेताहरूले अझ जिम्मेवार र परिपक्व भूमिका निर्वाह गर्नुपर्ने समय आएको छ। पाका नेताहरू पाका बन्नु पर्दैन र? भन्ने प्रश्नमार्फत उनले नेतृत्व तहप्रति संकेत गरेका छन्।
त्यस्तै, गति छाडा भन्ने शब्द प्रयोग गर्दै उनले अहिलेको राजनीतिक व्यवहार र शैलीप्रति कटाक्ष गरेका छन्।
