काठमाडौं । सानिमा बैंकको डेबिट वा क्रेडिट कार्ड प्रयोगकर्ताले नेपाल मेडिसिटी हस्पिटल स्वास्थ्य उपचार ७ प्रतिशतसम्म छूट पाउने भएका छन् । सानिमा बैंक लिमिटेड र नेपाल मेडिसिटी हस्पिटलबीच स्वास्थ्य उपचार सुविधासम्बन्धी सम्झौता भएको हो ।
उक्त सम्झौता पत्रमा सानिमा बैंक लिमिटेडकातर्फबाट प्रमुख निक्षेप अधिकृत बबी सिंह गड्तौला र नेपाल मेडिसिटी हस्पिटलको तर्फबाट महाप्रबन्धक विजय रिमालले हस्ताक्षर गरेका हुन् ।
यस सम्झौताअन्तर्गत सानिमा बैंकको डेबिट वा क्रेडिट कार्ड प्रयोगकर्ताले नेपाल मेडिसिटी अस्पतालमा उपचारको क्रममा सहजरूपमा भुक्तानी गर्न सक्नेछन् ।
विभिन्न स्वास्थ्य उपचार सेवा दिँदै आइरहेको नेपाल मेडिसिटी हस्पिटल, ललितपुरको भैँसेपाटीमा अवस्थित छ ।
