आइसिसि टी–२० विश्वकप अन्तर्गत आज तीन खेल हुँदैछन् । खेल तालिका अनुसार आज स्कटल्यान्ड, इटाली, ओमान, जिम्बाबे, क्यानडा र दक्षिण अफ्रिका बिच प्रतिस्पर्धा हुनेछ ।
पहिलो खेल बिहान ११.१५ बजे स्कटल्यान्ड र इटाली बिच खेल हुनेछ । समूह सी मा रहेका यी दुई टिमको खेल कोलकाताको इडेन गार्डेन रंगशालामा हुनेछ । नेपाल पनि यही समूहमा रहेको छ । यसअघि स्कटल्यान्ड टिम वेस्ट इन्डिजसँग पराजित भएको थियो ।
यसैगरी दोस्रो खेल जिम्बाबे र ओमान बिच श्रीलंकाको कोलम्बोमा हुनेछ । समूह बी मा यी दुई टिमको पहिलो खेल हुनेछ र यो अपराह्न ३.१५ बजे सुरु हुनेछ ।
तेस्रो तथा अन्तिम खेल दक्षिण अफ्रिका र क्यानडा बिच भारतको अहमदाबादमा हुनेछ । समूह डी मा रहेका यी दुई टिमको यो पहिलो खेल हो । दिवारात्रि यो खेल साँझ ७.१५ बजे सुरु हुनेछ । एजेन्सी
