रौतहट । जिल्लाको चन्द्रपुर–गौर सडकखण्डमा स्कारपियो दुर्घटना हुँदा ५ जनाले ज्यान गुमाएका छन् ।
गढीमाई नगरपालिका गम्हरिया टोलबाट परोहा नगरपालिकाको नरकटिया टोलमा जन्ती लिएर गएको भारतीय गाडी बिआर शून्य ५ पिए ६९५३ नम्बरको रातो स्कारपियोे फर्किने क्रममा दुर्घटनामा परेको थियो । जीपमा सवार अन्य २ जनाको अवस्था गम्भीर रहेको प्रहरीले जनाएको छ ।
मृतकको सनाखत हुन बाँकी रहेको छ । दुर्घटनाको थप विवरण आउन बाँकी छ ।
तस्बिर सौजन्यः अब्दुल समद