काठमाडौँ । नेकपा (एमाले) र प्रगतिशील लोकतान्त्रिक पार्टीबीच आसन्न प्रतिनिधिसभा निर्वाचन २०८२ मा एकअर्कालाई सघाउने सहमति भएको छ।
दुवै पार्टीबीच भएको सहमतिअनुसार पश्चिम रुकुमबाट उम्मेदवार जनार्दन शर्मा र पूर्वी रुकुमबाट उम्मेदवार सन्दीप पुनको पक्षमा नेकपा (एमाले)ले आँखा चिह्नमा मतदान गर्ने भएको छ।
त्यसैगरी, कर्णाली प्रदेशका हुम्ला र जुम्ला बाहेकका जिल्लाहरू तथा पुरानो राप्ती अञ्चलका जिल्लाहरूमा नेकपा (एमाले)का उम्मेदवारको पक्षमा सूर्य चिह्नमा प्रगतिशील लोकतान्त्रिक पार्टीले मतदान गर्ने सहमति भएको जनाइएको छ।
उक्त सहमति प्रभावकारी रूपमा कार्यान्वयन गर्न दुवै पार्टीले आ–आफ्ना आन्तरिक पंक्तिलाई अविलम्ब निर्देशन दिने निर्णयसमेत गरेका छन्।
सहमति सम्बन्धी संयुक्त विज्ञप्तिमा नेकपा (एमाले)का उपाध्यक्ष रामबहादुर थापा ‘बादल’ र प्रगतिशील लोकतान्त्रिक पार्टीकी अध्यक्ष दुर्गा सोवले हस्ताक्षर गरेका छन्।
