काठमाडौँ । राष्ट्रिय प्रकृति संरक्षण कोष सदर चिडियाखानाले २६ औं वार्षिकोत्सव मनाएको छ । कोषले बुधबार ललितपुरमा एक कार्यक्रमको आयोजना गरेर सदर चिडियाखानाको २६ औं वार्षिकोत्सव मनाएको हो ।
उक्त कार्यक्रममा बोल्दै ललितपुर महानगरपालिकाका मेयर चिरिबाबु महर्जनले ललितकलाले भरिएको ललितपुरमा नेपालको एक मात्रै चिडियाखाना हुनु ललितपुरको विशेषता भएको बताउनु भयो । उहाँले चिडियाखाना ललितपुर महानगरको एउटा विशेषता नै भएको बताउनु भयो । मेयर महर्जनले चिडियाखानाको थप व्यवस्थित रुपमा विकास गर्नु पर्ने आवश्यकता रहेको बताउनुभयो । उहाँले विकास गर्न सकिन भने पनि जुन रुपमा चलेको छ त्यही रुपमा राख्न सक्नु पर्ने बताउनुभयो । मेयर महर्जनले भन्नुभयो,‘ ललितपुर महानगरपालिका ललित कलाले भरिएको सम्पदा सहर हो । यहि महानगरमा देशको एउटा मात्रै चिडियाखाना पर्छ । चिडियाखानले ललितपुर महानगरको शिर उच्च बनाएको छ । चिडियाखानामा काठमाडौं आउने मानिसहरु सायदै नआउने कमै हुन्छन्। जसलाई चिडियाखानाको बारेमा थाहा नभएकाहरु मात्रै आउँदैनन्। चिडियाखाना ललिपुर जिल्लाकै विषेशता हो । यति महत्वपूर्ण चिडियाखाना ललितपुर महानगरमा हुनु भनेको एकदमै ठूलो उपलब्धी हो । तर, यसलाई सरकारले बचाइ राख्नु जरुरी छ । चिडियाखानलाई सकिन्छ धेरै व्यवस्थित रुपमा विकास गरौं । सकिँदैन भने पनि जुन गतिमा चलिरहेको छ त्यहि रपमा रहन दिनुपर्छ । यसलाई लोप हुन दिनु हुँदैन भन्ने उदेश्य सरकार तथा महानगरले लिन जरुरी छ । महानगरले चिडियाखाना अगाडिको फुटवल मैदानमा ठूला ठूला कन्सट हुने गरेका थिए त्यसलाई हटाउन सफल भएका छौं । चिडियाखानामा भएका जनावरलाई असर पर्ने भएकाले हटाएको हौं । यसले पनि चिडियाखानालाई व्यवस्थित बनाउँदै जानुपर्छ । चिडियाखानामा ठूला ठूला भवनहरु बन्नु हुँदैन खुल्ला छाड्नु पर्छ ।’
कार्यक्रममा राष्ट्रिय प्रकृति संरक्षण कोषका अध्यक्ष डा. कृष्णप्रसाद ओलीले चिडियाखाना मुख्य चार वटा उदेश्यले सञ्चालन भइरहेको बताउनुभयो । उहाँले कोषले जङगली जनावरको विषयमा शिक्षा दिने काम गर्ने गरेको बताउनु भयो । ओलीले कोषले जङगली जनावर तथा प्रकृति संरक्षणको विषयमा नेपालको १३ जिल्लामा पाठयपुस्तकमा समावश गराएको बताउनुभयो । डा. ओलीले भन्नुभयो,‘ चिडियाखानाको मुख्य चार वटा उदेश्य रहेको छ । जसमा सबै मानिहरु जङगलमा जान सक्दैनन्। जङगली जनावरसँग घुलमिल हुन पनि पाउँदैनन् ।
चिडिखानामा जङगलि जनावरको बारेमा चिनाउनको लागि अर्थात शिक्षा दिन तयारी गरिएको हो । यसमा चाँहिने कुराहरु विद्यालयका पाठ्यपुस्तकमा समेत समावेश गर्नु पर्छ । राष्ट्रिय प्रकृतिक संरक्षण कोषले नेपालका १३ जिल्लाका पाठय पुस्तुकमा समावेश गरिएको छ । पछिल्लो समय आएका नयाँ प्रविधि र जलवायु परिर्वतनको विषयमा पाठयपुस्तकमा समावेश गराएर शिक्षा दिनु जरुरी रहेको छ । यी लगायत अन्य धेरै काम गरिरहेको छ ।’ २६ औं वार्षिकोत्सवको अवसरमा कोषले चिडियाखाना काम गर्ने उतकृष्ट कर्मचारीहरुलाई सम्मान तथा प्रमाणपत्र वितरण समेत गरेको छ ।
