काठमाडौं। राष्ट्रिय स्वतन्त्र पार्टी (रास्वपा)ले रूपन्देही क्षेत्र नं. २ मा उम्मेदवार तोकेका आशिष सुवेदीकोको हङकङको आइडी रहेपछि उम्मेदवार परिवर्तन गरेको छ ।
अन्तिम समयमा सुवेदीको स्थानमा सुलभ खरेललाई उम्मेदवार बनाएको छ । आशिषको उम्मेदवारी खारेज हुने डरले अन्तिम समयमा सुलभ लाई टिकट दिएको रास्वापाका एक नेताले जानकारी दिनुभयो । उहाँका अनुसार सुबेदीको नामा जारी भएको एम ४९०८१० (ए) नम्बरको हङकङ प्रान्त आइडी कार्ड रहेको छ ।
पार्टी नेतृत्वलाई यस बिषयमा पटक पटक जानकारी गराएपनि चासो नदिएको र अन्तिम समयमा उम्मेदवार परिवर्तन गरेको भन्दै जिल्लाका नेताहरुले असन्तुष्टि जनाएका छन् ।
जेनजी आन्दोलनका क्रममा भदौ २४ मा अदालतमा आगजनीपछि अधिवक्ता समेत खरेलले ‘सर्वोच्च अदालत जल्दै गर्दा तपाईंको मन रोएको होला, तर मेरो मन एक रत्ती पनि रोएको छैन । नेपाल बार भवन जल्दै गर्दा पनि तपाईंको आँखा रसाएको होला, तर मेरो आँखा एक रत्ती रसाएको छैन’ भन्दै सामाजिक संञ्जालमा लेखेका थिए ।
यो पनि पढ्नुहोस- प्रधानन्यायाधीश र न्यायाधीशहरुको प्रश्नै–प्रश्नपछि इजलासमै ढले युवा वकिल
के लेखेका थिए सामाजिक सञ्जालमा
सर्वोच्च अदालत जल्दै गर्दा तपाईंको मन रोएको होला, तर मेरो मन एक रत्ती पनि रोएको छैन । नेपाल बार भवन जल्दै गर्दा पनि तपाईंको आँखा रसाएको होला, तर मेरो आँखा एक रत्ती रसाएको छैन । किनकि, त्यही अदालत र त्यही बारमा म शेरबहादुर र केपी ओलीका अनुहारहरू पटक–पटक देख्ने गर्छु । यिनीहरु मेरो आँखामा संवैधानिक चोरहरु हुन् । साँच्चिकै संवैधानिक फटाहाहरु हुन् । लाई टिकट दिएर पठाएको थियो। अदालतलाई कब्जा गर्ने, बारलाई विकृत गर्ने, अनि जनताको अधिकार चुरोटजस्तै चुस्ने, राजनीतिक स्वार्थमा फैसला भनेर आफ्ना देउताको स्वार्थ अनुकूल निबन्ध लेख्ने यी नेतृत्वहरू नै आजको संकटका मुख्य जिम्मेवार हुन् । अब सर्वोच्च अदालत र उच्च अदालतका न्यायाधीशहरुको तथा नेपाल बार र मातहत बारहरुको सामूहिक राजीनामा माग्दछ र परीक्षाबाट मात्रै न्यायाधीश नियुक्तिको जोडदार माग राख्दछ । अब न्यायालयको भविष्य अवश्य सुलभ खरेलले लेख्नेछ । नेपालको न्यायालयको जय होस् । विकृति न्यायालय एक रत्ती चाहिँदैन ।
१७ मङ्सिर मा सर्वोच्च अदालतमा बहसका लागि उभिएका अधिवक्ता खरेल ढलेका थिए । संवैधानिक इजलासमा नेकपा एमालेले दायर गरेको रिटमा संवैधानिक इजलासमा बहसको क्रममा प्रधानन्यायाधीश प्रकाशमानसिंह राउतले सामाजिक सञ्जाल फेसबुकमा लेखेको विषयमा प्रष्टीकरण मागे पछि खरेल ढलेका थिए ।
